Mobile Marketing : Judas – Siminn
Viðskipti | AFP | 2.12.2011
Ætla að ráða þúsundir starfsmanna
Frá skrifstofu Facebook í New York Reuters : Stjórnendur samskiptavefjarins Facebook tilkynntu í dag að fyrirtækið myndi ráða þúsundir nýrra starfsmanna á næsta ári. Eru það einkum verkfræðingar sem ráðnir verða til fyrirtækisins í New York. Þetta kom fram í máli framkvæmdastjóra Facebook, Sheryl Sandberg, á blaðamannafundi í New York í dag en Michael Bloomberg, borgarstjóri New York, var einnig á blaðamannafundinum.
„Við ætlum að vaxa eins hratt og við getum í New York,” segir Sandberg.
Auk þess verða fleiri verkfræðingar ráðnir til starfa í höfuðstöðvum Facebook í Palo Alto í Kaliforníu og í Seattle.
Notendur Facebook eru yfir 800 milljónir talsins í heiminum. Fastlega er gert ráð fyrir að Facebook fari á markað á næsta ári en um þrjú þúsund manns starfa hjá Facebook í dag.
Nú starfa um 100 á skrifstofu Facebook í New York en Sandberg neitaði að upplýsa hversu margir nákvæmlega verða ráðnir til fyrirtækisins í New York.
